Күн есебі «бүгін қанша» деген сұраққа жауап береді. Аналитика басқаларына: не ақша әкеледі, не бекер жатыр және өткен айдан жақсы болды ма. «Мәзір» → «Аналитика» бөлімінен немесе есептен ашылады.
Пайда
Кезеңдер бойынша түсім, сатып алу, жалпы пайда, шығындар және таза пайда. Қысқа кезең күндерге, ұзақ кезең айларға бөлінеді.
Үздік тауарлар
Айналым бойынша емес, пайда бойынша. Миллионға сатылып, жүз теңге үстеме берген тауар екі жүз мың таза берген тауардан төмен тұрады.
ABC
Тауарлар түсімдегі үлесі бойынша:
- A — дүкенді ұстап тұр;
- B — орташа;
- C — құйрық.
Класс тауардың өз үлесімен емес, оған дейін жинақталған үлеспен есептеледі. Мәні қарапайым: түсімді жоғалтпас үшін қанша позицияны қолдан шығармау керек.
Қозғалыссыз
Сөреде жатқан және сатылмайтын тауар, оған қатып қалған ақшамен — сатып алу бағасы бойынша. Сөреде жоқ тауар мұнда жоқ: ол жатып қалған жоқ, ол таусылған.
Салыстыру
Осы кезең сондай ұзақтықтағы алдыңғымен салыстырылады. Нөлден өсу есептелмейді: нөлден кез келген нәрсе өседі.
«Сөзбен айт» түймесі сандарды сөйлеммен айтып беруді AI-дан сұрайды. Бұл түйме, автоматты жүктеу емес: экран ашылған сайын модельден сұрау — ешкім оқымайтын мәтінге бюджет шашу.